اشاعتیں

غزل لیبل والی پوسٹس دکھائی جا رہی ہیں

غزل

    📝۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔۔📝 دشمن کا بڑا ربط ہے رہبر سے ہمارے امید نہیں جیت کی لشکر سے ہمارے قدموں سے زر و لعل و گہر جلد اٹھا لو دستار نہ اترے گی میاں سر سے ہمارے سائل!!! نہیں زنجیر ہمارے کوئی در پر لے جا جو ضرورت ہو کھلے در سے ہمارے  ظالم سے ملاقات ہے طے گرچہ ہماری پہلو نہ بدل لے وہ کہیں ڈر سے ہمارے دراصل ہمیں گوش بر آواز نہیں ہیں آتی ہے صدا زور کی اندر سے ہمارے  صورت کوئی پھر اس کے تحفظ کی نہیں ہے قطرہ جو نکل جاے سمندر سے ہمارے اس دل کی طبیعت میں ہے درویش مزاجی بے کار الجھتے ہو سکندر سے ہمارے گزرا ہے وہ منزل کی طرف کر کے اشارہ گزرا جو جنازہ ہے برابر سے ہمارے ہم نیند سے اٹھ کر انہیں پلکوں پہ رکھیں گے  بیدار ہوے خواب جو بستر سے ہمارے غصہ نے ہمارے ہمیں برباد کیا ہے ہم قتل ہوے آپ ہی خنجر سے ہمارے منزل کی طلب میں ہیں چلے کتنی مسافت اندازہ لگا میل کے پتھر سے ہمارے نسیم خان
ایک تبصرہ شائع کریں
مزید پڑھیں

غزل

غزل ہو جاے ترے نام پہ رسوائی ذرا اور کر مجھ پہ کرم پیکرِ رعنائی ذرا اور  سوچا ہے کہ اب گیسوے اردو کو سنواروں  شعروں میں کروں قافیہ پیمائی ذرا اور آ تا کہ مرے دل کو سکوں آے میسر  آ پاس مرے وحشتِ تنہائی ذرا اور  اسرار زمانے کے لبوں سے مرے کھلتے  ہوتی جو مرے درد کی گہرائی ذرا اور  وحشت کا بدن تا کہ  ہو دو لخت مرے یار  یوں تیز ہو شمشیرِ شناسائی ذرا اور میدانِ محبت میں ابھی آپ نئے ہیں  لازم ہے ابھی آپ کی پسپائی ذرا اور آنکھوں میں مری اشک کے دو بوند نہیں ہیں اور دل ہے کہ غم کا ہے تمنائی ذرا اور  نادانیاں کرنے میں تامل نہیں کرتے ہوتی جو اگر آپ میں دانائی ذرا اور  نسیم خان
ایک تبصرہ شائع کریں
مزید پڑھیں

غزل

۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔ میں نہیں کہہ رہا مدعا مت کہیں میرے منہ پر کہیں،،جا بجا مت کہیں  عہدِ نو کے یزیدی کا فرمان ہے سامنے میرے کیوں اور کیا مت کہیں بندگی میں خدا کی اسے کاٹ دیں  زندگی کو خدا کی سزا مت کہیں حکم جاری ہوا کرسیء عدل سے عدل کی بات کو برملا مت کہیں ہم ہمیشہ سے ہیں داعیء انقلاب ہم کو اغیار کا ہم نوا مت کہیں مجموعی طور پر ہم جو بے حس ہوے اس کو ادنی کوئی واقعہ مت کہیں  بارہا مجھ سے یہ حکمراں نے کہا ایک ہی بات کو بارہا مت کہیں کلمہ گو سارے اک ہی گھرانے سے ہیں امتی کو نبی سے جدا مت کہیں لا شریک لہ،، لا مثیل لہ جز خدا اور کسی کو خدا مت کہیں یہ بھی مظلوم کے ساتھ اک ظلم ہے ظالموں کو کبھی مرحبا مت کہیں نسیم خان 
ایک تبصرہ شائع کریں
مزید پڑھیں

غزل

تو دیکھ لینا ________________________________ سنہری کرنوں سے جگمگاتی ہوئی منڈیروں پہ بیٹھ کر جب کوئی پری وش نہ گنگناۓ ،  کوئی پرندہ نہ چہچہاۓ ،  کوئی پپیہا نہ گیت گاۓ تو دیکھ لینا  کوئی درندہ حسین تتلی کے پر اکھاڑے گلا دباۓ گلوں کی پژمردہ پتیوں کو  دھویں کے بادل اچھالتے ہوں  حنا کے رنگوں میں جھلملاتی ہر ایک دلہن ،   ہر ایک مریم ، ہر ایک سیتا ، وہ آصفہ ہو کہ نربھیا ہو کہ کوئی گڑیا وجود کے کرب آگہی سے ،  حیات کے جبر بے بسی سے   نہ جیت پاۓ  تو دیکھ لینا   یہ دیکھ لینا --- کہ بند کمروں کے  سونے سونے سے طاقچوں میں سجی ہوئی ہیں جو کچھ کتابیں  لرز رہی ہیں  وہ امن نامے ، وہ عہد نامے ،  اصول و دستور کے صحیفے ، وہ ضابطے امن وآشتی کے ،  ضمانتوں کے سبھی نوشتے ، حسین سپنے برابری کے  غرور کثرت کے زعم بیجا کی ٹھوکروں میں پڑے ہوۓ ہیں افق سے اٹھتے ہوۓ بگولوں سے سرخ آندھی پنپ رہی ہے  یہ تاج والے خراج والے ، یہ کل کے طوفاں سے آنکھ موندے سے آج والے  انا کی ضد پر اڑے ہوۓ ہیں  تو روزن ابر سے ستار...
ایک تبصرہ شائع کریں
مزید پڑھیں

اس بلاگ سے مقبول پوسٹس

Naat Shareef نعت شریف

 📝۔۔۔۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔۔۔📝 بنی نوع بشر میں آپ کو برتر بناتے ہیں خدا انسانیت کا آپ کو رہبر بناتے ہیں ہے ویسے تو جہاں سارا خدا کی ذات کا مظہر  الگ سب سے محمد کا مگر پیکر بناتے ہیں درودِ پاک پڑھتے ہیں ادب سے آنکھ موندے ہم  تصور میں مدینہ کا حسیں منظر بناتے ہیں اُنہیں دل کی طرف عشقِ نبی الہام ہوتا ہے عقیدت کا محمد کی جو دل کو گھر بناتے ہیں نبی کی سنتوں کو کر کے اپنی ذات پر نافذ دلوں میں اہل باطل کے ہم اپنا ڈر بناتے ہیں ہمیں آقاء دو عالم سے نسبت ہے جہاں والو!! سو ہم بنیاد کا اپنی اسے پتھر بناتے ہیں فراقِ مصطفی میں چیخ پڑتا ہے شجر واللہ صحابہ جب نبی کے واسطے منبر بناتے ہیں حضورِ پاک کے صدقہ خدا سے مانگ کر دیکھو خدا بگڑے ہوے حالات کو بہتر بناتے ہیں خدا کا خاص ہوتا ہے کرم جس پر بھی دنیا میں خدا اس شخص کو سادات کا نوکر بتاتے ہیں نسیم خان
مزید پڑھیں

Naat نعت

 📝۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔📝 صدقہ حبیبِ پاک کا پایا تھا اور بس  مجھ کو خدا نے اپنا بنایا تھا اور بس دل ہوتے ہوتے رشکِ فلک ہو گیا مرا  عشقِ نبی کو اس میں بسایا تھا اور بس لکھنے لگا ہوں فرطِ عقیدت میں نعت جو طیبہ مرے خیال میں آیا تھا اور بس  روضہ پہ ہو سکا تھا دمِ حاضری یہی اشکوں کا ایک سیل بہایا تھا اور بس  دل کے بہت قریب مرے آگئے حضور دل کو جہان بھر سے ہٹایا تھا اور بس  چہرہ چھپا رہا تھا اُدھر چودھویں کا چاند چہرہ اِدھر نبی نے دکھایا تھا اور بس  حرکت میں آ گئے تھے فرشتے نسیم خاں صلی علی زبان پہ آیا تھا اور بس نسیم خان
مزید پڑھیں

سجدہ سہو کا مکمل طریقہ

سجدہ سہو کا مکمل طریقہ  سجدہ سہو کا طریقہ یہ ہے کہ قعدہ اخیرہ میں پوری التحیات پڑھنے کے بعد (درود شریف اور دعا پڑھے بغیر) صرف دائیں طرف سلام پھیر کر دو سجدے کرلیے جائیں، اور ہر سجدے میں حسبِ معمول "سبحان ربي الأعلى" کہے اور سجدے کے بعد بیٹھ کر التحیات، درود شریف اور دعا پڑھ کر دائیں اور بائیں سلام پھیر دیا جائے۔ نصوص کی روشنی میں فقہاءِ احناف نے اسی طریقے کو ترجیح دی ہے، لہٰذا فقہ حنفی کے مطابق اسی پر عمل کیا جائے۔ سوال میں مذکورہ طریقہ سجدہ سہو کے لیے مسنون نہیں، البتہ اگر کوئی قعدہ اخیرہ میں بھول کر تشہد، درود شریف اور دعا پڑھ چکا ہو، اور پھر اسے یاد آئے کہ مجھ پر سجدہ سہو لازم ہے، تو اسی وقت دائیں طرف سلام پھیرنے کے بعد وہ سہو کے دو سجدے کرکے دوبارہ التحیات، درود شریف اور دعا پڑھ کر سلام پھیرے تو سجدہ سہو ادا ہوجائے گا۔ الفتاوى الهندية (1/ 125): "(الباب الثاني عشر في سجود السهو) وهو واجب، كذا في التبيين هو الصحيح، كذا في الهداية والوجوب مقيد بما إذا كان الوقت صالحا حتى إن من عليه السهو في صلاة الصبح إذا لم يسجد حتى طلعت الشمس بعد السلام الأول سقط عنه السجود وكذا ...
مزید پڑھیں