حضرت علامہ محمد انوار اللہ فاروقی رحمۃ اللہ علیہ
حضرت علامہ محمد انوار اللہ فاروقی رحمۃ اللہ علیہ خلیفہ حضرت حاجی امداد اللہ مہاجر مکی رحمۃ اللہ علیہ وبانی جامعہ نظامیہ حیدرآباد
دیدار کعبہ ،
- لنک حاصل کریں
- X
- ای میل
- دیگر ایپس
دیدار کعبہ
زائرین حرم کے دلوں میں مچلنے والے جذبات کی ترجمانی
آیا ہوں درپہ آپ کے مولی خوشی خوشی
بخشش کی آس لے کے ، امیدیں نئ نئ
کعبہ کا سامنا جو کیا ، دل مچل گیا۔۔ بے ساختہ زباں سے اللہ ، نکل گیا
قلب ونظر کا حال، سراسر بدل گیا۔ دست کرم نے مجھ کو سنبھالا سنبھل گیا
لبیک کی صدا تھی فضا میں مچی ہوئی۔
بخشش کی آس لے کے امیدیں نئ نئ
کہتا تھا شوق عشق خدا ،سر کے بل چلو۔ راز و نیاز میں،ذرا کچھ دیر تک رہو
دل سے بہا کے آنسو ندامت کا یوں کہو۔ فاغفر لنا ذنوبنا یا ربنا پڑھو
پھر تیز تر ہوا، میرا احساس بے بسی
بخشش کی آس لے کے امیدیں نئ نئ
تھا زیب تن کیے ہوے عشاق سا لباس۔ ہمت جٹا کل آگیا کالے حجر کل پاس
رکن یمن کے پاس کبھی ملتزم کے پاس۔ بوسہ لیا تو جاکے بجھی دید کی پیاس
کھلنے لگا یہ راز، کہ کیا شۓ ہے بندگی ؟
بخشش کی آس لے کے امیدیں نئ نئ
رکن طواف کرکے ادا ، میں کھڑا ہوا۔ دوگانہ اس مقام پہ پڑھ کر دعا کیا
اپنے خدا کے سامنے حمد وثنا کیا۔ ان کے کرم کا دریا تھا ہر سو بہا ہوا
پوری فضا تھی نور کا جلوہ بنی ہوئی
بخشش کی آس لے کے امیدیں نئ نئ
پھر شوق کے قدم سے بڑھا جانب صفا۔ یاد آگئی وہاں پہ مجھے اماں ہاجرہ
از مروہ تا صفا رہا یادوں کا سلسلہ۔ ان اہل دل کی یاد سے بڑھتا تھا حوصلہ
منظر یہ دیکھ کر کے بڑھی دل کی تازگی
بخشش کی آس لے کے امیدیں نئ نئ
احرام کے لباس میں خم ہوگئ جبیں۔ ہونے لگی کشادہ محبت کی سرزمیں
اس پاک گھر سے بڑھ کے بھی ہے کچھ،؟ نہیں نہیں۔ ہے جلوہ گاہ رب ، یہ مکاں اور سب مکیں
رحمت کا سلسلہ رہے اب ساری زندگی
بخشش کی آس لے کے امیدیں نئ نئ
ہیں آپ میزبان یہ عاصی ہے میہمان۔ راہ طلب میں آپ نہ لیں میرا امتحان
میرے گنہ پہ ڈال دے بخشش کا سائبان۔۔ رطب اللسان ہو آپ کی یادوں میں یہ زبان
کھیتی حیات کی رہے ہردم ہری بھری
بخشش کی آس لے کے امیدیں نئ نئ
کرلیجئے خدا میرے حج کو بھی اب قبول۔ اور اپنی معرفت کا سکھا دیجیے اصول
مجھ کو بھی اب بنا دیجیے اب عاشق رسول ﷺ نادم نہ کیجئے کبھی اب گفتگو فضول
مولی بلاتے رہیے گا مکہ کبھی کبھی
از قلم: حضرت مولانا محمد انوار الحق نادم قاسمی حفظہ اللہ سیتامڑھی استاد حدیث مدرسہ عبداللہ ابن مسعود حیدرآباد
- لنک حاصل کریں
- X
- ای میل
- دیگر ایپس
اس بلاگ سے مقبول پوسٹس
Naat Shareef نعت شریف
📝۔۔۔۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔۔۔📝 بنی نوع بشر میں آپ کو برتر بناتے ہیں خدا انسانیت کا آپ کو رہبر بناتے ہیں ہے ویسے تو جہاں سارا خدا کی ذات کا مظہر الگ سب سے محمد کا مگر پیکر بناتے ہیں درودِ پاک پڑھتے ہیں ادب سے آنکھ موندے ہم تصور میں مدینہ کا حسیں منظر بناتے ہیں اُنہیں دل کی طرف عشقِ نبی الہام ہوتا ہے عقیدت کا محمد کی جو دل کو گھر بناتے ہیں نبی کی سنتوں کو کر کے اپنی ذات پر نافذ دلوں میں اہل باطل کے ہم اپنا ڈر بناتے ہیں ہمیں آقاء دو عالم سے نسبت ہے جہاں والو!! سو ہم بنیاد کا اپنی اسے پتھر بناتے ہیں فراقِ مصطفی میں چیخ پڑتا ہے شجر واللہ صحابہ جب نبی کے واسطے منبر بناتے ہیں حضورِ پاک کے صدقہ خدا سے مانگ کر دیکھو خدا بگڑے ہوے حالات کو بہتر بناتے ہیں خدا کا خاص ہوتا ہے کرم جس پر بھی دنیا میں خدا اس شخص کو سادات کا نوکر بتاتے ہیں نسیم خان
Naat نعت
📝۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔📝 صدقہ حبیبِ پاک کا پایا تھا اور بس مجھ کو خدا نے اپنا بنایا تھا اور بس دل ہوتے ہوتے رشکِ فلک ہو گیا مرا عشقِ نبی کو اس میں بسایا تھا اور بس لکھنے لگا ہوں فرطِ عقیدت میں نعت جو طیبہ مرے خیال میں آیا تھا اور بس روضہ پہ ہو سکا تھا دمِ حاضری یہی اشکوں کا ایک سیل بہایا تھا اور بس دل کے بہت قریب مرے آگئے حضور دل کو جہان بھر سے ہٹایا تھا اور بس چہرہ چھپا رہا تھا اُدھر چودھویں کا چاند چہرہ اِدھر نبی نے دکھایا تھا اور بس حرکت میں آ گئے تھے فرشتے نسیم خاں صلی علی زبان پہ آیا تھا اور بس نسیم خان
Ghazal غزل
📝۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔📝 تھا میرا ستم گر جو ستمگر نہیں نکلا الزام مرے قتل کا اس پر نہیں نکلا اِس دل میں کئی رنگ کے آے گئے موسم صد شکر تری یاد کا منظر نہیں نکلا افسوس نہ بر آئی مرے دل کی تمنا افسوس مرے دھڑ سے مرا سر نہیں نکلا عاشق کی کمر ٹوٹ گئی بارِ الم سے جامہ سے مگر عشق کے باہر نہیں نکلا باطل جو مچاتا ہے مچانے دو اچھل کود باطل سے ابھی جنگ کو لشکر نہیں نکلا کچھ سال سے میں دور بہت دور ہوں گھر سے کچھ سال سے اس دل سے مگر گھر نہیں نکلا تبدیلیء حالات کو لازم ہے جماعت قطرہ سے کبھی کوئی سمندر نہیں نکلا اس کو نہ کبھی قافلہ سالار بنانا حالات کے طوفاں سے جو ہو کر نہیں نکلا نسیم خان
تبصرے
ایک تبصرہ شائع کریں