Islamic website

 📝۔۔۔۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔۔۔📝 بنی نوع بشر میں آپ کو برتر بناتے ہیں خدا انسانیت کا آپ کو رہبر بناتے ہیں ہے ویسے تو جہاں سارا خدا کی ذات کا مظہر  الگ سب سے محمد کا مگر پیکر بناتے ہیں درودِ پاک پڑھتے ہیں ادب سے آنکھ موندے ہم  تصور میں مدینہ کا حسیں منظر بناتے ہیں اُنہیں دل کی طرف عشقِ نبی الہام ہوتا ہے عقیدت کا محمد کی جو دل کو گھر بناتے ہیں نبی کی سنتوں کو کر کے اپنی ذات پر نافذ دلوں میں اہل باطل کے ہم اپنا ڈر بناتے ہیں ہمیں آقاء دو عالم سے نسبت ہے جہاں والو!! سو ہم بنیاد کا اپنی اسے پتھر بناتے ہیں فراقِ مصطفی میں چیخ پڑتا ہے شجر واللہ صحابہ جب نبی کے واسطے منبر بناتے ہیں حضورِ پاک کے صدقہ خدا سے مانگ کر دیکھو خدا بگڑے ہوے حالات کو بہتر بناتے ہیں خدا کا خاص ہوتا ہے کرم جس پر بھی دنیا میں خدا اس شخص کو سادات کا نوکر بتاتے ہیں نسیم خان

 📝۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔📝 صدقہ حبیبِ پاک کا پایا تھا اور بس  مجھ کو خدا نے اپنا بنایا تھا اور بس دل ہوتے ہوتے رشکِ فلک ہو گیا مرا  عشقِ نبی کو اس میں بسایا تھا اور بس لکھنے لگا ہوں فرطِ عقیدت میں نعت جو طیبہ مرے خیال میں آیا تھا اور بس  روضہ پہ ہو سکا تھا دمِ حاضری یہی اشکوں کا ایک سیل بہایا تھا اور بس  دل کے بہت قریب مرے آگئے حضور دل کو جہان بھر سے ہٹایا تھا اور بس  چہرہ چھپا رہا تھا اُدھر چودھویں کا چاند چہرہ اِدھر نبی نے دکھایا تھا اور بس  حرکت میں آ گئے تھے فرشتے نسیم خاں صلی علی زبان پہ آیا تھا اور بس نسیم خان

 📝۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔📝 تھا میرا ستم گر جو ستمگر نہیں نکلا الزام مرے قتل کا اس پر نہیں نکلا اِس دل میں کئی رنگ کے آے گئے موسم صد شکر تری یاد کا منظر نہیں نکلا افسوس نہ بر آئی مرے دل کی تمنا  افسوس مرے دھڑ سے مرا سر نہیں نکلا  عاشق کی کمر ٹوٹ گئی بارِ الم سے  جامہ سے مگر عشق کے باہر نہیں نکلا باطل جو مچاتا ہے مچانے دو اچھل کود باطل سے ابھی جنگ کو لشکر نہیں نکلا  کچھ سال سے میں دور بہت دور ہوں گھر سے کچھ سال سے اس دل سے مگر گھر نہیں نکلا تبدیلیء حالات کو لازم ہے جماعت قطرہ سے کبھی کوئی سمندر نہیں نکلا اس کو نہ کبھی قافلہ سالار بنانا حالات کے طوفاں سے جو ہو کر نہیں نکلا نسیم خان

 📝۔۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔۔📝 یہ مناسب نہیں انساں کے لیے سر دیکھے حق کا اظہار کرے سر کو سناں پر دیکھے اس سے جو مسندِ آرام پہ بیٹھا ہے کہو دو قدم راہِ جنوں پر کبھی چل کر دیکھے  ایسے ہم غم کے مداوے کی طرف دیکھتے ہیں جیسے مزدور کوئی شام ڈھلے گھر دیکھے پر نہ دیکھا کوئی سرکارِ دو عالم جیسا  گو زمانے نے سوا لاکھ پیمبر دیکھے یہ نہ دیکھے کہ مرا سارا بدن چھلنی ہے حوصلہ مجھ میں ہے کتنا یہ ستمگر دیکھے معرفت کا یہی آسان سا مطلب سمجھیں ایک قطرہ سے تقاضا ہے سمندر دیکھے  وقتِ فرصت ہے اگر اہل جہاں کو آ کر میرے سینہ میں جو پیوست ہے خنجر دیکھے بعثتِ سرورِ کونین کے ہو جانے پر امن کیسے ہوا دنیا کو میسر دیکھے نسیم خان

 ربِ کعبہ سے ہر اک بات کہو راتوں میں آخری پہر کی دل سوز مناجاتوں میں جب وہ خالق ہے وہ رازق وہی ہے معبود ذکر اس ذات کا پھر کیوں نہ کروں باتوں میں  زندگی جو کہ عبادت کے لیے تھی،،ہاے صبح تا شام گزرتی ہے خرافاتوں میں بے زبانوں کو ہوئی قوتِ گویائی عطا حضرتِ احمدِ مرسل سے ملاقاتوں میں  پتے پتے بھی ھو اللہ احد کہتے ہیں کھیت کھلیان جلا پاتے ہیں برساتوں میں اس کو ہو جاے اگر نسبتِ باری حاصل ہو گا شامل غمِ دل قیمتی سوغاتوں میں اپنے باطن سے سیاہی کا اترنا دیکھیں ہاتھ دے کر کسی کامل کے کبھی ہاتھوں میں بادشاہوں کے محلات کی دھج اپنی جگہ مردِ درویش کا حجرہ ہے خراباتوں میں نسیم خان

 ربِ کعبہ سے ہر اک بات کہو راتوں میں آخری پہر کی دل سوز مناجاتوں میں جب وہ خالق ہے وہ رازق وہی ہے معبود ذکر اس ذات کا پھر کیوں نہ کروں باتوں میں  زندگی جو کہ عبادت کے لیے تھی،،ہاے صبح تا شام گزرتی ہے خرافاتوں میں بے زبانوں کو ہوئی قوتِ گویائی عطا حضرتِ احمدِ مرسل سے ملاقاتوں میں  پتے پتے بھی ھو اللہ احد کہتے ہیں کھیت کھلیان جلا پاتے ہیں برساتوں میں اس کو ہو جاے اگر نسبتِ باری حاصل ہو گا شامل غمِ دل قیمتی سوغاتوں میں اپنے باطن سے سیاہی کا اترنا دیکھیں ہاتھ دے کر کسی کامل کے کبھی ہاتھوں میں بادشاہوں کے محلات کی دھج اپنی جگہ مردِ درویش کا حجرہ ہے خراباتوں میں نسیم خان

 غزل  📝۔۔۔۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔۔۔۔📝 وطن سے کیوں نئی ہجرت دوبارہ کر نہیں جاتا  پریشاں ہے حکومت کیوں مسلماں ڈر نہیں جاتا مرا ہر لفظ اس باعث درِ نایاب جیسا ہے   معانی کے سمندر سے کبھی باہر نہیں جاتا  انا کے ساتھ وابستہ جو رکھتا ہے مراسم کو کبھی احساس کا چھو کر اسے پیکر نہیں جاتا قسم اللہ کی تب تک مچلتا ہی رہے گا دل لہو سے سینہء شمشیر جب تک بھر نہیں جاتا مسائل کی ہوا اس کے ہمیشہ ساتھ رہتی ہے مسافر در بدر پھرتا ہے لیکن گھر نہیں جاتا خدا کے ذکر سے قلب و نظر میں جان پڑتی ہے خدا کے ذکر سے ایمان دل میں مر نہیں جاتا رِہا ہو کر قفس سے گو زمانے بیت جاتے ہیں اسیری کا نگاہوں سے مگر منظر نہیں جاتا  نسیم خان

۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔ نظر کا تنگ کبھی دائرہ نہیں رکھا حصارِ ذات میں خود کو چھپا نہیں رکھا زمیں کی پیاس بجھانے میں ہم رہے آگے  لہو کو ہم نے نسوں میں بچا نہیں رکھا  منافقوں کی صفوں میں وہ شخص شامل ہے وہ جس نے خود سے کسی کو خفا نہیں رکھا چراغ کی بھی یہی ضد ہے جلتے رہنا ہے ہواؤں نے بھی ابھی فیصلہ نہیں رکھا ہمارے پاؤں کے چھالے گواہ ہیں اس پر رہِ وفا میں دقیقہ اٹھا نہیں رکھا غزل میں کرتے رہے ہم بیان جگ بیتی  چھپا کے ہم نے کوئی واقعہ نہیں رکھا جو بن پڑا وہ کِیا ہم نے عزم کے دم پر کسی سے وقتِ بلا آسرا نہیں رکھا مرا ضمیر بھی لیکن ہوا نہ ٹس سے مس امیرِ شہر نے بدلے میں کیا نہیں رکھا رہِ جنوں کے تمہیں پیچ و خم بتاتے ہم  ہمارے سامنے کیوں مشورہ نہیں رکھا نہیں گرائی کسی ناتوان پر بجلی فلک سا ہم نے کبھی مشغلہ نہیں رکھا وہ شخص راحت و چین و سکون کیا جانے وہ جس نے دل میں کبھی بھی خدا نہیں رکھا جہاں میں ایک بھی منصف نہیں ملا ایسا کہ جس نے ظلم و ستم کو روا نہیں رکھا نسیم خان بغاوت مزاج ہیں ہم لوگ  ستمگروں سے کبھی واسطہ نہیں رکھا نسیم خان 

 ۔۔۔۔۔۔۔۔۔۔غزل۔۔۔۔۔۔۔۔۔۔۔۔۔ ہے فلک اور زمیں متاعِ زمیں روح ہے ہی نہیں متاعِ زمیں ہے فنا ایک دن اسے آخر گو ہے از حد حسیں متاعِ زمیں  ہم مسافر ہیں راہِ دنیا کے ہے مکان و مکیں متاعِ زمیں اس کو وابستہء خدا رکھیے دل نہ کھا لے کہیں متاعِ زمیں ہے یقیں بالیقیں اسی کی ذات ہے گماں با لیقیں متاعِ زمیں  بارگاہِ خدا میں رکھ اس کو  ہو نہ تیری جبیں متاعِ زمیں عشق و مستی ہے آسمانی شئی عقل کی سر زمیں متاعِ زمیں  تیرے دنیا کے غم،،خوشی دونوں ہے نسیمِ حزیں متاعِ زمیں نسیم خان