حضرت علامہ محمد انوار اللہ فاروقی رحمۃ اللہ علیہ

تصویر
حضرت علامہ محمد انوار اللہ فاروقی رحمۃ اللہ علیہ خلیفہ حضرت حاجی امداد اللہ مہاجر مکی رحمۃ اللہ علیہ وبانی جامعہ نظامیہ حیدرآباد 
ایک تبصرہ شائع کریں

نعت رسولﷺ

 حضور شیخ السلام و المسلمین حضرت خواجہ محمد قمر الدین سیالوی رحمۃ اللّٰہ علیہ نے یہ نعت پاک لکھی اور اسی کی برکت سے فورا آپکا بخار ٹھیک ہوگیا۔اس نعت شریف میں عربی فارسی اور اردو کے الفاظ کا حسین امتزاج ہے۔

مندرجہ ذیل میں ترجمہ کے ساتھ نعت شریف پیش ہے：


آں جملہ رسل ہادی برحق کہ گزشتند 

برفضلِ تو اے ختم رسل دادہ گواہی


(آج تک جتنے سچے رسول گزرے ہیں، اے خاتم المرسلین ! سب نے آپ کی بزرگی کی گواہی دی ہے) 


در خَلق و در خُلق توئی نیّر اعظم 

لاتُدرک اوصافک لم تُدر کَمَاہی


(صورت اور سیرت میں آپ آفتاب عالمتاب ہیں ۔ نہ آپ کے اوصاف کا احاطہ کیا جاسکتاہے اور نہ ہی ان کی حقیقت کو سمجھا جاسکتا ہے) 


یا احسن یا اجمل یا اکمل اکرم 

واللہ باخلاقک فی الملا یُباہی


(اے سب سے زیادہ حسین ! سب سے زیادہ جمیل ، سب سے زیادہ کامل ، سب سے زیادہ سخی ! ملائکہ کی محفل میں اللہ تعالی آپ کے اخلاق پر فخر کرتا ہے) 


تو باعث تکوین معاشی و معادی 

اے عبد الہ ہست مسلم بتو شاہی


(یارسول اللہ! دنیا اور آخرت کی تکوین کا باعث آپ ہیں ۔ اے اللہ تعالی کے برگزیدہ بندے کونین کی شاہی تجھے بخشی گئی ہے) 


زآفاق پریدی و ز افلاک گزشتی 

درجاتک فی السدرۃ غیر المتناہی


(آپ نے آفاق سے پرواز کی اور آسمانوں سے بھی گذر گئے۔ آپ کے درجات مقامِ سدرہ سے بھی آگے نکل گئے) 


عالم بہوا داریت از ہوش برفتہ

آہو شدہ در یم و بصحرا شدہ ماہی


(دیدار کی بے تابی میں بے ہوش ہے عالم

دریا میں ہرن آۓ ہیں صحرا میں ہے مچھلیاں)


امید بکرمت کہ مکارم شیم تست 

من کیستم و چیست معاصی و تباہی


(میں حضور صلی اللہ علیہ والہ وسلم کے کرم کا امیدوار ہوں اور کرم فرمانا حضور صلی اللہ علیہ والہ وسلم کی پسندیدہ عادات میں سے ہے ۔ اس نوازش کے سامنے میری کیا حقیقت ہے،میرے گناہوں کی کیا حیثیت ہے ) 


آئس نیم از فضل تو اے روح خداوند 

نظرے کہ ربایدز قمر رنج و سیاہی


(اے رحمت الہی ! میں تیرے فضل وکرم سے مایوس نہیں ۔ ایک ایسی نظر فرمائیے جو قمر سے رنج و سیاہی کو دور کردے)


کلام: شیخ الاسلام و المسلمین الحاج الحافظ حضرت خواجہ محمد قمرالدین سیالوی رحمتہ اللہ علیہ

تبصرے

ایک تبصرہ شائع کریں

اس بلاگ سے مقبول پوسٹس

Naat Shareef نعت شریف

 📝۔۔۔۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔۔۔📝 بنی نوع بشر میں آپ کو برتر بناتے ہیں خدا انسانیت کا آپ کو رہبر بناتے ہیں ہے ویسے تو جہاں سارا خدا کی ذات کا مظہر  الگ سب سے محمد کا مگر پیکر بناتے ہیں درودِ پاک پڑھتے ہیں ادب سے آنکھ موندے ہم  تصور میں مدینہ کا حسیں منظر بناتے ہیں اُنہیں دل کی طرف عشقِ نبی الہام ہوتا ہے عقیدت کا محمد کی جو دل کو گھر بناتے ہیں نبی کی سنتوں کو کر کے اپنی ذات پر نافذ دلوں میں اہل باطل کے ہم اپنا ڈر بناتے ہیں ہمیں آقاء دو عالم سے نسبت ہے جہاں والو!! سو ہم بنیاد کا اپنی اسے پتھر بناتے ہیں فراقِ مصطفی میں چیخ پڑتا ہے شجر واللہ صحابہ جب نبی کے واسطے منبر بناتے ہیں حضورِ پاک کے صدقہ خدا سے مانگ کر دیکھو خدا بگڑے ہوے حالات کو بہتر بناتے ہیں خدا کا خاص ہوتا ہے کرم جس پر بھی دنیا میں خدا اس شخص کو سادات کا نوکر بتاتے ہیں نسیم خان
مزید پڑھیں

Naat نعت

 📝۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔📝 صدقہ حبیبِ پاک کا پایا تھا اور بس  مجھ کو خدا نے اپنا بنایا تھا اور بس دل ہوتے ہوتے رشکِ فلک ہو گیا مرا  عشقِ نبی کو اس میں بسایا تھا اور بس لکھنے لگا ہوں فرطِ عقیدت میں نعت جو طیبہ مرے خیال میں آیا تھا اور بس  روضہ پہ ہو سکا تھا دمِ حاضری یہی اشکوں کا ایک سیل بہایا تھا اور بس  دل کے بہت قریب مرے آگئے حضور دل کو جہان بھر سے ہٹایا تھا اور بس  چہرہ چھپا رہا تھا اُدھر چودھویں کا چاند چہرہ اِدھر نبی نے دکھایا تھا اور بس  حرکت میں آ گئے تھے فرشتے نسیم خاں صلی علی زبان پہ آیا تھا اور بس نسیم خان
مزید پڑھیں

Ghazal غزل

 📝۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔📝 تھا میرا ستم گر جو ستمگر نہیں نکلا الزام مرے قتل کا اس پر نہیں نکلا اِس دل میں کئی رنگ کے آے گئے موسم صد شکر تری یاد کا منظر نہیں نکلا افسوس نہ بر آئی مرے دل کی تمنا  افسوس مرے دھڑ سے مرا سر نہیں نکلا  عاشق کی کمر ٹوٹ گئی بارِ الم سے  جامہ سے مگر عشق کے باہر نہیں نکلا باطل جو مچاتا ہے مچانے دو اچھل کود باطل سے ابھی جنگ کو لشکر نہیں نکلا  کچھ سال سے میں دور بہت دور ہوں گھر سے کچھ سال سے اس دل سے مگر گھر نہیں نکلا تبدیلیء حالات کو لازم ہے جماعت قطرہ سے کبھی کوئی سمندر نہیں نکلا اس کو نہ کبھی قافلہ سالار بنانا حالات کے طوفاں سے جو ہو کر نہیں نکلا نسیم خان
مزید پڑھیں