غزل

    📝۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔۔📝 دشمن کا بڑا ربط ہے رہبر سے ہمارے امید نہیں جیت کی لشکر سے ہمارے قدموں سے زر و لعل و گہر جلد اٹھا لو دستار نہ اترے گی میاں سر سے ہمارے سائل!!! نہیں زنجیر ہمارے کوئی در پر لے جا جو ضرورت ہو کھلے در سے ہمارے  ظالم سے ملاقات ہے طے گرچہ ہماری پہلو نہ بدل لے وہ کہیں ڈر سے ہمارے دراصل ہمیں گوش بر آواز نہیں ہیں آتی ہے صدا زور کی اندر سے ہمارے  صورت کوئی پھر اس کے تحفظ کی نہیں ہے قطرہ جو نکل جاے سمندر سے ہمارے اس دل کی طبیعت میں ہے درویش مزاجی بے کار الجھتے ہو سکندر سے ہمارے گزرا ہے وہ منزل کی طرف کر کے اشارہ گزرا جو جنازہ ہے برابر سے ہمارے ہم نیند سے اٹھ کر انہیں پلکوں پہ رکھیں گے  بیدار ہوے خواب جو بستر سے ہمارے غصہ نے ہمارے ہمیں برباد کیا ہے ہم قتل ہوے آپ ہی خنجر سے ہمارے منزل کی طلب میں ہیں چلے کتنی مسافت اندازہ لگا میل کے پتھر سے ہمارے نسیم خان
ایک تبصرہ شائع کریں

مرثیہ ، منظوم خراج عقیدت بر وفات ادیب زماں مولانا نور عالم خلیل امینی نور اللہ مرقدہ

منظوم خراج عقیدت


 

نتیجۂ فکر: حضرت مولانا محمد انوارالحق داؤد نادم قاسمی صاحب حفظہ اللہ مدھوراپور سیتامڑھی بہار حال مقیم حیدرآباد
استاد حدیث مدرسہ عبد اللہ بن مسعود رض حیدرآباد



جہان علم وادب کے سلطاں تھے نور عالم خلیل امینی

امین ملت، خلیل رحماں تھے نور عالم خلیل امینی



وحید وسید میاں کے فیض نظر سے چمکے جہان بھر میں

ابو الحسن کے بھی دل کے ارماں تھے نور عالم خلیل امینی



عجم ہو یا ہو عرب کاصحرا، ادب میں ہر جا تھا ان شہرہ

ادب کے دنیا کے مہر تاباں تھے نور عالم خلیل امینی



ہے اب"پس مرگ"وہ بھی زندہ جو بن کے مانند "کوہ کن" تھے



ادب نوازوں کے جان جاناں تھے نور عالم خلیل امینی



قلم میں طاقت بیاں میں جرأت، تھی ان کی فکر و نظر میں ندرت

وجود باطل پہ تیغ براں تھے نور عالم خلیل امینی



وہ حال مسلم پہ غم زدہ تھے غم فلسطیں سے آبدیدہ

ہر اک کے حق میں خوشی کے خواہاں تھے نور عالم خلیل امینی



پڑھے کوئی ان کا "حرف شیریں"یا داستان حجاز ویثرب

وہ کہہ اٹھے گا ادیب دوراں تھے نور عالم خلیل امینی



وہ اپنے تابندہ فکروفن سے حسین فطرت کے بانکپن سے

نگاہِ عرب وعجم میں یکساں تھے نور عالم خلیل امینی



وہ لفظ ومعنی کے پیچ وخم سے وہ حسن معنی کے زیروبم سے

کہیں پہ ظاہر کہیں پہ پنہاں تھے نور عالم خلیل امینی



نہ جانے کتنے شکستہ دل کو حیات نو کا ہنر سکھایا

مریض قلب وجگر کے درماں تھے نور عالم خلیل امینی



سراپا ان کا ادب کے سانچے میں خوش نصیبی سے ڈھل گیا تھا

متاع روح ادب کے نگراں تھے نور عالم خلیل امینی



مدیر"داعی"ادیب کامل علوم اسلامیہ کے حامل

نقیب راز زبان قرآں تھے نور عالم خلیل امینی



اصول وآئین حق پرستی، میں ان کو تھا امتیاز حاصل

مقام رفعت پہ یوں درخشاں تھے نور عالم خلیل امینی



خلوص وحسن عمل کی دولت خدا نے ان کو عطاء کیا تھا

نقوش اسلاف کے نگہباں تھے نور عالم خلیل امینی



حیات افروز ان کی باتیں، شعور انگیز ان کی یادیں

مثال خورشید، نور افشاں تھے نور عالم خلیل امینی



یہ باغ دارالعلوم نازاں تھا ان کی خدمت کا قدرداں بھی

ہو کیوں نہ ایسا کہ نور یزداں تھے نور عالم خلیل امینی



یہی تصور ہمارے غم کو مٹا سکے گا بھلا سکے گا

بس اتنے دن کے جہاں میں مہماں تھے نور عالم خلیل امینی



دعاء نادم ہے تجھ سے مولا تو ان کو فردوس میں جگہ دے

کہ تجھ پہ تیرے نبی پہ قرباں تھے نور عالم خلیل امینی

تبصرے

ایک تبصرہ شائع کریں

اس بلاگ سے مقبول پوسٹس

سجدہ سہو کا مکمل طریقہ

سجدہ سہو کا مکمل طریقہ  سجدہ سہو کا طریقہ یہ ہے کہ قعدہ اخیرہ میں پوری التحیات پڑھنے کے بعد (درود شریف اور دعا پڑھے بغیر) صرف دائیں طرف سلام پھیر کر دو سجدے کرلیے جائیں، اور ہر سجدے میں حسبِ معمول "سبحان ربي الأعلى" کہے اور سجدے کے بعد بیٹھ کر التحیات، درود شریف اور دعا پڑھ کر دائیں اور بائیں سلام پھیر دیا جائے۔ نصوص کی روشنی میں فقہاءِ احناف نے اسی طریقے کو ترجیح دی ہے، لہٰذا فقہ حنفی کے مطابق اسی پر عمل کیا جائے۔ سوال میں مذکورہ طریقہ سجدہ سہو کے لیے مسنون نہیں، البتہ اگر کوئی قعدہ اخیرہ میں بھول کر تشہد، درود شریف اور دعا پڑھ چکا ہو، اور پھر اسے یاد آئے کہ مجھ پر سجدہ سہو لازم ہے، تو اسی وقت دائیں طرف سلام پھیرنے کے بعد وہ سہو کے دو سجدے کرکے دوبارہ التحیات، درود شریف اور دعا پڑھ کر سلام پھیرے تو سجدہ سہو ادا ہوجائے گا۔ الفتاوى الهندية (1/ 125): "(الباب الثاني عشر في سجود السهو) وهو واجب، كذا في التبيين هو الصحيح، كذا في الهداية والوجوب مقيد بما إذا كان الوقت صالحا حتى إن من عليه السهو في صلاة الصبح إذا لم يسجد حتى طلعت الشمس بعد السلام الأول سقط عنه السجود وكذا ...
مزید پڑھیں

Naat Shareef نعت شریف

 📝۔۔۔۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔۔۔📝 بنی نوع بشر میں آپ کو برتر بناتے ہیں خدا انسانیت کا آپ کو رہبر بناتے ہیں ہے ویسے تو جہاں سارا خدا کی ذات کا مظہر  الگ سب سے محمد کا مگر پیکر بناتے ہیں درودِ پاک پڑھتے ہیں ادب سے آنکھ موندے ہم  تصور میں مدینہ کا حسیں منظر بناتے ہیں اُنہیں دل کی طرف عشقِ نبی الہام ہوتا ہے عقیدت کا محمد کی جو دل کو گھر بناتے ہیں نبی کی سنتوں کو کر کے اپنی ذات پر نافذ دلوں میں اہل باطل کے ہم اپنا ڈر بناتے ہیں ہمیں آقاء دو عالم سے نسبت ہے جہاں والو!! سو ہم بنیاد کا اپنی اسے پتھر بناتے ہیں فراقِ مصطفی میں چیخ پڑتا ہے شجر واللہ صحابہ جب نبی کے واسطے منبر بناتے ہیں حضورِ پاک کے صدقہ خدا سے مانگ کر دیکھو خدا بگڑے ہوے حالات کو بہتر بناتے ہیں خدا کا خاص ہوتا ہے کرم جس پر بھی دنیا میں خدا اس شخص کو سادات کا نوکر بتاتے ہیں نسیم خان
مزید پڑھیں

Naat نعت

 📝۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔۔۔📝 صدقہ حبیبِ پاک کا پایا تھا اور بس  مجھ کو خدا نے اپنا بنایا تھا اور بس دل ہوتے ہوتے رشکِ فلک ہو گیا مرا  عشقِ نبی کو اس میں بسایا تھا اور بس لکھنے لگا ہوں فرطِ عقیدت میں نعت جو طیبہ مرے خیال میں آیا تھا اور بس  روضہ پہ ہو سکا تھا دمِ حاضری یہی اشکوں کا ایک سیل بہایا تھا اور بس  دل کے بہت قریب مرے آگئے حضور دل کو جہان بھر سے ہٹایا تھا اور بس  چہرہ چھپا رہا تھا اُدھر چودھویں کا چاند چہرہ اِدھر نبی نے دکھایا تھا اور بس  حرکت میں آ گئے تھے فرشتے نسیم خاں صلی علی زبان پہ آیا تھا اور بس نسیم خان
مزید پڑھیں